YE DIN JUB GUZAR JAEN GEY

This is a great poem summarizing the golden days of our college life. It is written by one of our friends “Rahat Javed”. I hope it may be the story of many people.

YE DIN JUB GUZAR JAEN GEY

Ye din jub guzar jaen gey to hum ko yad aen gey

Jub hum sub bicher jaen gey to hum ko bohat rulaen gey

Bicher ker dar sey apni najaney kidher ko jaen gey

Chor ker dosten apni bhala hom kesey reh paen gey

Kabhi sardion ki raton mein lipt ker hum lihafon mein

In beetey dinon key khushgwar kissey duhraen gey

Ke kesey bat bey bat hum kehkahey lagatey thay

Lidher ko ek jata tha waheen sub log jatey thay

Wo phir buch nahi saktey jo panga hum sey letey thay

Kabhi hum naik hotey thay kabhi be-eeman hotey thay

Canteen pe ja ke hamesha ghul machatey thay

Kabhi hum coke peetey thay kabhi hum chat khatey thay

Samosey khatey huey doosron pe nazar rakhtey thay

Jub apna khatam hota tha to phir un ke jhapatatey thay

Wo one dish party apni bhi hum ko yad aey gi

K kuch bhi hazam na hota jub tak jung na hoti

Phir josh mein bhartey huey hum uth kharey hon gey

Jub W.G apni hum ko achanak yad aey gi

Kabhi hum tung kertey thay kabhi hum jung kertey thay

Kabhi hum rooth jatey thay kabhi hum maan jatey they

Ye sub hum jub dohraen gey k acanak yad aey ga

Hundia jal gai to phir sub khana kahan sey khaen gey

(Rahat Javed)